تفتكر لما قريت الكلمة دي حسيت بإيه ؟؟؟
على فكرة انا مش هتكلم كتير علي حب البلد ولا حاجة ! انا عايز أتكلم عن الكلمة دي
عارف يعني إيه أصلا "بلدي" .. أيوة عليك نور يعني البلد اللي حضرتك عايش فيها.
عارف إن ممكن حال البلد ميكنش عاجبك
وممكن حضرتك تكون من الناس اللي بتحاول تغير البلد دي للأحسن
وممكن برضه تكون من الناس اللي عايزة تطفش في أول فرصة ممكن تجيلك !
مع إحترامي بقى لوجهة نظرك في الموضوع ده وإنت شايف بلدك اللي هيا "بلدي" إزاى بس عايزك تخلي بالك من الكلمة دي قوي
بلدي
بجد إزاي الكلمة دي إستخدامها في المجتمع بينرفزني !!
يخرب بيت عقدة الأجنبي اللي عندا دي !!
ممكن حد يقولي ليه لما نكون عايزين نقول على حاجة إنها وحشة أو مش من مستواك إنها ياااااي دي بلدي قوي!!!
لأ على فكرة حضرتك مش من أبو شعر أصفر وعيون زرقاء إنت نفسك بلدي أيوة أسمر وأخرك قوي خمري يا عم ففوق كده
هتقولي ماهو علشان مفيش حاجة في البلد دي بتتعمل عدل وبجودة كويسة فعلشان كده كلمة بلدي بتعبر عن كدة!!!
حلو معاك يا عم بس ده مش معناه إن الكلمة دي تبقى هي الطريقة اللي تعبر بيها عن إن الحاجة دي مستواها مش كويس, يا عم قول الحاجة دي مش من مستوايا مش حلوة قووووووول إي حاجة بس بلاش بلدي دي ربنا يكرمك !!
صدقني البلد دي مش هتتغير طول ما جوانا شويت العقد دي!!
فكر كده لما بقت خلاص حاجة عادية إنك تقول على الحاجة الوحشة إنها بلدي -والمصيبة إنها تيجى من ناس يقال إنها مثقفة- تفتكر هنيجي في يوم من الإيام تقول على حاجة صنعت فيي مصر إنها صنعت في "بلدي".
