محكمة العدل المهلبية
يا محكمة العد ل يا دولية
كفاياكى ظلم فينا وأذية
على العرب دايما مفترية
وعينك عن اسرئيل وأمريكا مغمية
***************
دا ميزان عدلك مش موزون
والعدل عندك بالمقلوب
لا تقوللى أعمى ولا يحزنون
المهم انها هتحكم بالمطلوب
****************
والمطلوب كلنا عارفينه
عمرها ما هتحكم باللى عايزينه
ورائينا على طول مقرطسينه
وأمر الصهاينة من غير تردد منفذينه
**************
قالوا العدل أعمى وده معاهم كلام مغلوط
ممكن أعمى بس فى ايد الصهاينة مربوط
متحكمين فى كل حاجة سياسة وعلم وفلوس
واحنا نايمين فى الوهم سابع نوم
****************
بنعيد ونسأل العيب من مين بالضبط
كتير يقول منهم ونخدع فى بعض
العتب علينا احنا من الأصل
دافنين راسنا دايما فى الرمل
2 comments:
يا ابنى روح استخبى يلا .. دل ما يجوا يخدوك ..ههههههه
بلاش كلام ف السياسه
:D:D:D
بس بجد حلوه اوووى تسلم ايدك
Abdel Rahman Yehia :) o7ayik b shedda :) Rabena yekremak :)
Post a Comment