حاولت ان ابحث عن عنوان لتلك القصيدة فـلم اجد, فـإنها تحوي خواطر يوم لن أنساه ماحيت يوم اجتمعت فيه مشاعر وأفكار متعددة ومختلفة بل ومتناقضة أيضًا !
أكتب تلك الخاطرة في صباح ليلة الثامن والعشرون من شهر يناير 2011 لا ادري متى سأنشرها لكني سأكتبها الآن قد تبدو غير منظمة لانها تأتي من إحساسي المضطرب بمعنى الكلمة الآن
ماشي في شوارعك يا بلدي
في ميادينك في حواريكي
لافف على رجلي بافديكي
هاتف بعلو صوتي باناديكي
ماشي وانا مش ماشي
بجري وانا مش بجري
شايف اهلك وانا أعمى
بيهتفوا وانا مش باسمع
فقدت كل أحاسيسي
علشان إنتي كنتي إحساسي
كنتي عيني ووداني
كنتي رجلي ولساني
كنتي فيَّ كل حاجة محاوطانى
اهلك الماشيين هم رجلي
واللي في الشبابيك هم عيني
واللي بيهتفوا هم صوتي
تسمع هتافهم ولا الكمان
يمكن عشوائي يبان
بس بيعبر عن أحلى إنسان
إنسان لسة فيه مشاعر نبيلة
الخوف جواه إتحرق زي الفيتلة
إنسان فيه الجدعنة والشهامة
إنسان فيه القوة لسة عايشة
ياااااه يا بلدي إزاي إنتي جميلة كده
إزاي إنتي فيكي كل ده مش شايفينه
شفت ابنك الجدع
مش خايف حرامكي الجشع
شفت العسكري الغلبان
وشفت الضابط اللي نفسيا عيان
بس كله في الآخر غلبان
كله في الآخر من الجوع كافران
كله عايز الحق يباان
والظالم على بره هربان
يااه بحبك يا أبويا يا ضهري
يا اللي علمتني يعني إيه وطني
ماخفت عليَّ مادام عشان بلدي
ماشي عايز اهتف أقول ده والدي
يااااااااه يا أهل بلدي اد إيه كلكم تعبانين
حتى الخايفين في الشباك كانوا معانا واقفين
مية وأكل وأي مساعدة مش متأخرين
لسة فيهم روح وعايزين يبقوا عايشين
بكيت عليكي يا بلدي بجد بدموع حقيقية
مش علشان قنابل دموع هرت صدري وعينية
قنابل اترميت علينا من كل زاوية من كل ناحية
واحنا برده ثابتين مش هاممنا حتى الخراطيش الحية
بكيت على حالك وصعبتي عليَّ
يا بلدي عساكرك بيضربوا فينا وفيَّ
بكيتيني مش بقنابلك بس باسوتك عليَّ
رغم إننا شباب عايزين حقك بكل سلمية
علشان بنحبك يا بلدي مهما قالوا عليَّ
1 comment:
:') :') :') :') :')
ana mesh 3arfa a2oul comment :')
enta olt e7sassi awy bgad :')
Wallahy ba7ebek ya Masr w weladek agda3 nas w wa2t el zan2a ashga3 el ged3an bgad :')
Rabena yo7rossek w ye7fazek w yebarek fi weladek ya kenanet ELLAH fel ard yalli Rabena sob7anaho wata3ala sharafek fl qur2an w ashraf el 5alq wassa 3aleiki :')
ALLAHOMMA Aze7 al 3'omma w alqi al toma2nina wal sakina fi qoloub ahlena :)
Post a Comment